Патиките на Мајкл Џордан продадени за 1,5 милиони долари

Патиките што ги носел кошаркарот Мајкл Џордан на почетокот на својата кариера се продадени за речиси милион и пол долари на аукција. Таа е рекордна цена што еден пар патики ја достигнала на аукција.

„Највредните патики досега на аукција, „Nike Air Ship“s од 1984 година што ги носеше Мајкл Џордан за време на редовната сезона, продадени за 1.472.000 долари на аукција во Лас Вегас“, објавиле Sotheby’s.

Патиките кои Џордан ги носел во петтиот натпревар од првата сезона со Чикаго Булс станаа култни и на теренот и надвор од него. Купувачот бил Ник Фиорела, колекционер на картички од висока класа.

Чевлите биле продадени како дел од аукцијата на Sotheby’s Icons of Excellence & Haute Luxury во Лас Вегас, која вклучува и накит, часовници и колекционерски автомобили.

Денес, брендот Џордан му носи на Најк милијарди долари секоја година, а тешко достапните патики на Џордан се препродаваат на пазари како StockX и GOAT, понекогаш и за десетици илјади долари за пар. А многумина сметаат дека Џордан е најдобар кошаркар на сите времиња.