Патишта: Препорака за внимателно возење, магла на Стража, Пресека и Ѓавато

Автомото Сојузот на Македонија утрово информира дека сообраќајот на патиштата низ земјава се одвива непречено, по влажни коловози. Намалена видливост до 50 метри поради магла има на планиските премини Стража, Пресека и Ѓавато.

Од АМСМ потсетуваат дека е задолжително поседување на зимска опрема без оглед на моменталната временска состојба и оваа обврска трае до 15 март.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.