Патот Маврово-Дебар е прооден, лавините се исчистени

Сообраќајот на патниот правец Маврови Анови – Дебар, кај манастирот Св. Јован Бигорски од ноќеска околку полноќ е нормализиран и се одвива по две коловозни ленти, соопшти Автомото Сојузот на Македонија. Трите лавини кои паднаа на овој пат ги расчистија екипи на Македонија пат, Општина Маврово и Ростуше и Бигорскиот манастир.

Поради интензивни врнежи од снег воведени се забрани за сообраќај на тешки товарни возила на патните правци крак Маврово – Дебар, Струга – Г.П. Ќафасан, планинските премини Пресека, Стража, Ѓавато, Буково, како и патниот правец Тетово – Попова Шапка, каде забраната важи и за автобуси, а за останатите видови на возила задолжителна е употреба на зимска опрема.

АМСМ информира дека сообраќајот на државните патишта се одвива отежнато, во зимски услови, по влажни коловози, со остатоци од кашест снег на планинските премини.