Пазарен ден во Гостивар: Богата понуда, малку купувачи-јануари го тенчи семејниот буџет

Богата понуда на градскиот пазар во Гостивар на вторничниот пазарен ден. Тезги што и во зима изобилуваат со секаков вид овошје и зеленчук, а се продава и сирење, други млечни производи, мед…Сепак, јануари го тенчи семејниот буџет поради празниците, па граѓаните го редуцираат пазарувањето. Изминатите пазарни денови од новата година беше пораздвижено поради печалбарите дојдени во родниот крај, но работата веќе спласна откако си заминаа.

Како и вообичаено, поголемиот дел од граѓаните кои беа дојдени на пазар, се пожалија дека цените на производите се високи за нивниот буџет.

На градскиот пазар во Гостивар денес доматите се продаваа од 70 до 80 денари за килограм, краставиците од 80 до 100 денари, компирот од 25 до 30 денари, зелката 25 денари. Јаболката имаа цена од 100 денари за 3 или 4 килограми, додека лимоните и мандарините од 40 до 50 денари за килограм.