Пазарот во Гостивар во знак на зимниците, граѓаните не се откажуваат од традицијата

Вторничниот пазарен ден на градскиот пазар во Гостивар, периодов секоја година поминува во знакот на зимниците. „Врие“ и од продавачи и од купувачи и секако во центар на понудата е зеленчукот којшто е потребен за подготовка на зимница. Главна е црвената пиперка „ајварката“, а голема е понудата и побарувачката и за грозје, модар патлиџан, карфиол, зелка, моркови, корнишони…

Цените варираат според квалитетот, но сепак на тезгите не можеше да се забележи некоја голема разлика. Граѓаните внимателно разгледуваат, одбираат и купуваат, оти сакаат ем зимницата да биде убава, ем да стасаат парите.

Иако, генерално сите зеленчунци се поскапени споредено со лани, луѓето велат дека традицијата на правење зимници ќе ја испочитуваат, кој колку може.

Цени на градскиот пазар во Гостивар:

• Црвена пиперка ајварка, 40-50 ден/кг
• Карфиол, 50-60 ден/кг
• Зелка, 40 ден/кг
• Моркови 50 ден/кг
• Модар патлиџан 50 денари за три парчиња
• Зелени пиперки, 40-60 ден/кг
• Зелени и црвени домати, 50 ден/кг
• Розов домат, 70-80 ден./кг
• Кромид 50 ден/кг
• Корнишони, 50-60 ден/кг
• Краставици, 100 денари за 3кг.
• Јаболка, 100 денари за 3 кг
• Банани, 50 ден/кг.
• Модри сливи,70 ден/кг