Пченкарно брашно – помага против дијабет, срцеви заболувања и го регулира притисокот

Една од намирниците за која и нутриционистите и лекарите тврдат дека треба што повеќе да се внесува во исхраната е пченкарното брашно.

Се добива со мелење цело зрно пченка и може да се најдат во неколку варијанти. Покрај качамакот, кое е најпознатото јадење од овој вид брашно, може да се користи и за правење проја, но може да се користи и како палента или како прилог. Покрај тоа што е вкусно, пченкарното брашно е и многу здраво.

Тоа е храна со висок процент на јаглехидрати, но тоа се таканаречени добри јаглехидрати. Ова брашно добиено од цели зрна содржи сложени јаглехидрати, влакна и други хранливи материи кои спречуваат дијабетес, срцеви заболувања и ја регулираат хипертензијата.

Само 100 грама пченкарно брашно содржи повеќе од седум грама влакна и помалку од еден грам шеќер. Како што велат нутриционистите, поради ова, пченкарното брашно е одличен избор доколку сакате да ги изгубите вишокот килограми и да го одржите доброто здравје.

Поради големото количество на минерали и витамини, тоа е и добар чувар на коските. Бидејќи не содржи глутен, пченкарното брашно е одлична храна за луѓе кои што се нетолерантни на глутен.

Исто така е одличен извор на многу минерали и витамини кои му се потребни на нашето тело за нормално функционирање.

100 грама од ова брашно содржи 127 милиграми магнезиум, 241 милиграми фосфор, 287 милиграми калиум и 18 есенцијални амино киселини. Пченкарното брашно е богато со ниацин, холин, фолна киселина и витамини Б6, Б1, А, Е и К.

Сето ова се, би рекле, доволни причини оваа храна да стане честа намирница која ќе се најде  на нашите трпези.