Поврзи се со нас

Вести

„Пеколниот“ Гостивар преку Кожув до врвот на табелата 81-71

Премногу време и зборови ќе бидат потребни за да се опише се она што се случуваше вечерва во Младост во Гостивар. Кошаркарскиот клуб, приреди уште една драма која долго ќе се прераскажува. Со победата над Кожув со резултат 81-71, гостиварци се искачија на врвот на табелата.

„Младост“ беше полна 20 минути пред почетокот на натпреварот и публиката подготвена за уште еден спектакл, но занеме во третата минута по повредата на Александар Костоски. Гостиварци мораа да продолжат без плејмејкерот.

Гостите од самиот почеток покажаа дека се „тврд орев“ и дојдени се да се надигруваат во овој дуел, првата четвртина беше изедначена, заврши поен предност за гостите (21-22). Во вторите 10 минути, дополнително охрабрени од групата навивачи кои допатуваа од Гевгелија, избраниците на Јончески, успеаа да ја направат првата посериозна разлика, на полувреме имаа + 7, (35-42).

Во вториот дел Гостивар, силно бодрен од публиката се трудеше да ја анулира разликата, но Кожув делуваше искусно и ја контролираше играта и резултатот, во еден момент достигнаа предност од +13, (39-52).

Последниот период започна со резултат (53-59), гостиварската публика како да не размислуваше на пораз иако резултатот не одеше во прилог на домаќинот, во дадени моменти на „пеколната“ атмосферата во Младост можеа му завидат и најголемите кошаркарски центри во Европа. Енергијата од трибините се пренесе и на теренот, пожртвуваната игра во одбрана и рафалната стрелба од сите позиции, направија такво шоу кое дефинитивно може да се види само во Гостивар. Гостите немаа запишано погодок 9 минути, а домаќините направија серија од 18-0. Звукот на сирената беше знак, да започне славјето во градот на кошарката.

Донован Доналдсон, беше херојот на оваа победа, ги постигна погодоците кои беа најмногу потребни, запишувајќи вкупно 31 поен, 6 скокови и одиграни неверојатни 40 минути. Џелетовиќ постигна 17, Ре.Димитриевски 12, Вучковиќ 10 поени и 12 скока. Борбениот Димитриески запиша 5, Штерјов 4 и Диме Тасоски 2 поени.

Кај гостите одлична партија пружија Пејн со 23 и Трајковски со 14 поени.

Со оваа победа „бело-сините“ од Гостивар го зазедоа првото место на табелата.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!