Пендаровски во посета на Тумчевиште и на разговор со жените фармери

Жените фармери од гостиварско денес беа домаќини на Претседателот Стево Пендаровски, кој го посети селото Тумчевиште во рамки на проектот „Лице в лице со претседателот“. Пендаровски имаше прилика да се поразговара со претставничките на локалното здружение на жени фармери „Моја Фарма“ и нивната претседателка Живка Ѓурчиновска, прва жена регистрирана како индивидуална земјоделка во ова гостиварско село.

„На средбата, претседателот Пендаровски беше запознаен со поддршката која што ја добиваат од државата, како и со предизвиците и проблемите со кои се соочуваат во однос на пласманот и откупот на земјоделските производи, малиот број на откупни центри, како и лошата инфраструктура. Во таа насока, жените земјоделки го информираа претседателот Пендаровски за нивните натамошни планови, со условите за работа како и со потребата од поголемо родово одговорно буџетирање во земјоделството и руралниот развој. Со цел да ги следат современите процеси, жените земјоделки истакнаа дека е неопходно постојано инвестирање во модернизација на производството.“, информираа од претседателската прес служба.

Воедно, претседателот Пендаровски беше информиран со активностите на нивното здружение во кое членуваат околу педесетина жени, организирањето на манифестацијата „Да ја зачуваме традицијата“, како и со работењето на нивната он-лајн продавница „Наша тезга“ како прв интернет пазар за продажба на земјоделски производи и преработена храна на традиционален начин, произведени исклучиво од жени од руралните средини.

„Ми беше чест да поразговарам со неа и со останатите жени, членки на здружението. Ги слушнав нивните успешни приказни, но и потешкотиите во однос на откупот и пласманот на производите. Зборувавме и за потребата од поголемо родово одговорно буџетирање во земјоделството и руралниот развој.“, наведе претседателот.

На средбата присуствуваа и претставници од здружението „Руралната коалиција“ и Агенцијата за поттикнување на  развојот на земјоделството,