Пет лица украле 1,8 милиони денари од банкомат во Гостивар, полицијата го расчисти грабежот

СВР Тетово-Одделение за внатрешни работи Гостивар ја расчисти тешката кражба која на први минатиот месец беше извршена од банкарски банкомат, поставен во маркет во Гостивар и до Основното јавно обвинителство Гостивар поднесе кривична пријава против пет лица.

Како што информира СВР се работи за: 32 годишниот М.А. и 33 годишениот Р.Р. од скопско Долно Свиларе, 47 годишниот Н.Р. и 36 годишниот А.Б. од скопско Арачиново и 24-годишната М.К од Република Албанија.

„Н.Р и А.Б. денеска наутро (10 јануари) лишени се од слобода, а Р. Р. издржува притвор за друго кривично дело. Пријавените се сомничат дека со употреба на сила од банкомат одзеле милион и 800 илјади денари. Приведените со соодветен поднесок денеска попладне ќе бидат изведени пред судија на претходна постапка во Основниот суд Гостивар.“, информира полицијата.