Пет лица повредени во сообраќајна несреќа на автопатот Гостивар – Тетово

Сообраќајна несреќа во која едно лице е потешко, а неколку полесно повредени се случила вчера попладне околу 17 часот и 45 минути на автопатот Тетово-Гостивар клучката за Камењане.

Во несреќата учествувале „Опел тигра“ со велешки регистерски таблици управувано од 28-годишната велешанка З.З, кое поради дефект необезбедено било запрено на дел од едната коловозна лента, товарно возило „Фолсфаген  фургон“ со тетовски таблици, што го управувал 43-годишниот тетовец И.Е. и патничко возило „Мерцедес вито“ со кичевски таблици, управувано од 34-годишниот Б.М. од Кичево.

-Во несреќата, возачот на „Мерцедесот“ и сопатничките од истото возило Д.М, Ш.М. и А.А, како и сопатникот од „Фолсфагенот“ В.Е. задобиле со повреди и со медицинско возило пренесени се во тетовската клиничка болница. По укажаната лекарска помош, четворица од повредените пуштени се дома, додека поради сериозноста и карактерот на повредите  30-годишната Ш.М. итно е префрлена на скопските клиники, информираат од СВР Тетово.

Поради оваа сообраќајна несреќа сообраќајот бил во прекин  и се пренасочувал по регионалниот пат Тетово – Чегране – Гостивар.