Пет намирници за подобра меморија

Возраста, модерниот начин на живот и навиките во исхраната може значително да влијаат на вашата способност за памтење. Започнете да ја консумирате следната храна за да го ублажите овој проблем.

Дали знаевте дека мозокот се развива до 80 проценти до третата година од животот, и дека до петтата година го достигнува својот полн капацитет? Во ерата на модернизација, правиме многу грешки што ги намалуваат функциите на мозокот, дури и без да сме свесни колку влијаат на меморијата.

Некои од грешките се недостаток на сон, прекумерна употреба на мобилни телефони и други електронски уреди и, се разбира, диетите. Сигурно игра значајна улога во оптималното функционирање на мозокот, а храната што треба да се вклучи во исхраната се:

Спанаќ

Сите знаеме дека спанаќот е, меѓу другото, најдобриот извор на железо, а исто така е еден од најбогатите извори на магнезиум и фолна киселина. Тие ни помагаат да ги одржиме когнитивните функции.

Жолчка

Многумина го критикуваат конзумирањето премногу често жолчки од јајце, бидејќи го зголемува нивото на холестерол. Сепак, таа е особено богата со витамини Д и Б12, магнезиум и цинк, кои не само што ја подобруваат способноста за паметење, туку и штитат од сериозни невролошки заболувања како што е Алцхајмеровата болест.

Јогурт

Јогуртот е пробиотик кој ја подобрува работата на цревата, а одамна е познато дека постои директна врска помеѓу работата на мозокот и цревата.

Риба

Рибата е полна со јод, селен и здрави масти. Тие се исклучително корисна храна за мозокот, бидејќи ги поседуваат супстанциите неопходни за развој на мозочните функции.

Ореви

Оревите се богат извор на омега 3 масни киселини и полифеноли кои го намалуваат оксидативниот стрес и воспалението.