Пет предности на левораките луѓе

Околу 10% од луѓето во светот се левораки. На нивна несреќа, се` околу нас е прилагодено според деснораките: брави, завртки, автомобили, инструменти и слично. Поради тоа левичарите се соочуваат со потешкотии, но успеваат да ги совладаат.

Во минатото, често родителите и учителките се обидувале децата кои ја користат повеќе левата рака, да ги одвикнат од тоа. Сепак, ваквиот пристап е погрешен. Стручњаците тврдат дека левораките луѓе се посреќни и имаат подобро здравје.

-Левичарите се лица кои имаат склоност кон фантазија и креативност, и многу често успеваат во остварување на своите соништа, колку и да делуваат невозможно на прв поглед.

-Истражувањата во медицината покажале дека тие побрзо се опоравуваат од мозочен удар

-Подобри се во мултитаскинг (способност за вршење повеќе работи истовремено). Едноставно со оглед на тоа што ја користат левата рака, имат истрениран мозок кој работи побрзо и поефикасно.

-Одредени студии дошле до заклучок дека левораките луѓе полесно носат важни одлуки. Тоа не значи дека се брзоплети, туку дека посветуваат доволно време да ги разгледат сите последици и околности врзани со некоја нова, до тогаш непозната тема.

-Докажано е дека левичарите се подобри спортисти од десничарите.