Пет заборавени градови за кои времето е застанато

Постојат многу причини зошто еден град може да се напушти. Војна, природни катастрофи, климатски промени, губење на важни трговски партнери… Без оглед на причината, овие градови се заборавени со векови, а денес се заштитен (недопрен) дел од заедничката човечка историја.

Сухотаи

Сухотаи е еден од историски најважните и најстари градови во Тајланд. Првично провинциски град на Кмерската империја, Сухотаи стана независен во 13 век и стана главен град на новонастанатата независна држава Таи. Според историските записи, имал околу 80.000 жители.

По 1351 година, кога Ајутаја е основана како главен град на силниот ривал на династијата Таи, неговото влијание започнало да опаѓа, а во 1438 година градот бил освоен и со тоа стана дел од кралството Ајутаја. Сухотаи е целосно напуштен кон крајот на 15-от или почетокот на 16-тиот век.

Мохенџо-даро

Изграден околу 2.600 година пред нашата ера во денешен Пакистан, Мохенџо-даро бил еден од првите урбани градови во светот. Поради својот планиран изглед заснован на мрежа на градски улици направени во совршени шари, овој град порано бил вистинско архитектонско чудо. На својот зенит, веројатно имал околу 35.000 жители.

Зградите лоцирани овде биле особено напредни во времето на нивното градење, конструкции изградени од цигли со иста големина, направени од печена кал и изгорено дрво. Мохенџо-Даро, како и цивилизацијата во долината на Инд, исчезнува без трага околу 1.700 година п.н.е. и беше откриен повторно во 1920 година.

Хатра

Голем град под влијание на Партиското царство и главен град на првото арапско кралство, Хатра издржал неколку напади на Римјаните благодарение на високите, дебели, sидови и кули.

Кога конечно бил освоен, од иранската Сасанидна империја во 241 година п.н.е., градот бил уништен и конечно напуштен. Урнатините на Хатра во Ирак, особено храмовите каде хеленистичката и римската архитектура се спојуваат во едно, сите со додавање на ориентални украси, сведочат за големината на друга античка цивилизација.

Санчи

Градот Санчи се градел повеќе од илјада години. Почнувајќи од будистичките столбови во 3 век п.н.е., сè до будистичките храмови и манастири во 10 и 11 век. За жал, повеќето од овие импресивни архитектонски зафати денес лежат во урнатини.

Во 13 век, по падот на будизмот во Индија, Санчи бил напуштен и џунглата се преселила во градот наместо луѓето. Градот бил повторно откриен дури во 1818 година.

Хатуша

Хатуша стана главен град на Хетитската империја уште во 17 век п.н.е. Таа била уништена, заедно со хетитската држава, околу 1.200 п.н.е., и конечно била целосно напуштена.

Според современите проценки, Хатуша имал меѓу 40 000 и 50 000 жители. Изгубениот град е откриен на почетокот на 20 век во централна Турција од страна на археолошки тим од Германија. Едно од најважните откритија пронајдени на оваа локација беа глинени плочи, кои се состојат од правни прописи, процедури и литература на античкиот Блиски исток. (втората слика погоре покажува 3Д модел на градот)