Петнаесет години од убиството на резервистите Даил и Александар

Се навршуваат петнаесет години од трагичното загинување на полициските резервисти, Даил Јанкоски и Александар Николиќ од Гостивар. Годишнината беше одбележана со комеморативен собир во гостиварската населба Циглана, на местото кадешто беа убиени. Во нивна слава родини, пријатели, колеги положија буќети цвеќе, запалија свеќи и со минута молчење им оддадоа почит.

Гостиварците Јанкоски и Николиќ, беа убиени на должност на полициски пункт на влезот од населбата Циглана во 2002 година на 26 август еден часот по полноќ. Според наводите од истрагата, на нив пукале непознати лица со автоматски пушки од возило во движење со странски регистарски таблички.

На местото на трагедијата во чест на загинатите резервисти во 2012 година беше поставена спомен плоча.

По комеморативниот собир во Циглана, блиските ги посетија и нивните вечни почивалишта.