Петок неработен ден за граѓаните од православна вероисповед

Согласно со Законот за празниците на РM, 2 јуни (петок) 2023 година, Духовден, петок пред Духовден, е неработен ден за граѓаните од православна вероисповед.

Духовден (Педесетница) е посветен на настанот на слегувањето на Светиот Дух врз апостолите, на педесеттиот ден по Христовото Воскресение, односно на десеттиот ден по Христово Вознесение. Исус повеќе пати им говорел на своите ученици за доаѓањето на Духот на вистината, којшто ќе го разобличи светот заради гревовите на луѓето и ќе го прослави Христа. Пред самото Вознесение, Исус го повторил своето ветување: „Ќе примите сила кога на вас ќе слезе Светиот Дух“. После тие негови зборови, учениците пребивале заедно и во молитва во исчекување на остварувањето на ова ветување Христово. Слегувањето на Светиот Дух се јавило со шум и над секој од апостолите се појавил огнен јазик. Тие се исполниле со Светиот Дух и почнале да говорат на различни јазици.

Бидејќи сите свети таинства во црквата се случуваат преку Светиот Дух, овој празник се смета за роденден на црквата.