Гостивар
Петти протест во Гостивар: Не се откажуваме – да се поништи поскапувањето на струјата!

Во Гостивар по петти пат се одржа протест во знак на револт од зголемувањето на цената на електричната енергија. Граѓаните своето незадоволство од поскапувањето на струјата, го искажаа пред објектот на ЕВН.
Таму, ги повторија барањата да се поништи одлуката за поскапа цена, истата да се намали за 46%, Регулаторната комисија за енергетика да се распушти, да се укине монополот на дистрибуција и да се формира независен орган за квалитетот на услуги и поплаки на граѓаните од компаниите.
„Овие протести немаат ни политичка, ни етничка основа, ова се граѓански протести и ништо повеќе. Благодариме што дојдовте за вашите семејства, за вашите деца. Користам прилика да истакнам и еден друг проблем, а тоа е создавањето на гужви и чекањето со саати да се плати сметка во ЕВН. За да нема такви маки, треба да се отворат шалтери за наплата во сите населени места, да се избегнат редиците и да им се олесни на граѓаните од селата.“, рече еден од говорниците, Селајдин Абдули, од Движење Резистенца – Чегране.
Протестот во Гостивар, што го организира навивачката група Кастриоти го поддржаа и нивните соработници од Тетово.
„Следно на нашата агенда е да ги предизвикаме пратениците во Собранието, да реагираат на проблемите на граѓаните. Да работат на укинување на Регулаторна и формирање на независно тело кое ќе ги разгледува поплаките и жалбите на граѓаните врзани за услугите со електричната енергија“, изјави Аријанит Џафери од организациски одбор на протести во Тетово.
На протест повторно излезе и градоначалникот на Гостивар, Арбен Таравари.
„Секогаш кога се работи за доброто на граѓаните, ние сме тука. Сметаме дека одлуката за поскапување на струјата е нереална, затоа што сме во период на криза. Се надевам дека ќе ја преиспитаат својата одлука и ќе ја намалат цената, бидејќи поголемиот дел од граѓаните поминуваат низ тешка економска криза“, рече градоначалникот.
Протестот во Гостивар се одржа под силно полициско обезбедување, а помина мирно.
-
Македонијапред 3 месеци
УЈП со најнова листа на должници – Фирми и граѓани должат над 140 милиони евра на државата
-
Гостиварпред 3 месеци
Девизниот курс денес според приватните менувачници во Гостивар и НБРМ
-
Гостиварпред 3 месеци
Украинка приведена во Гостивар
-
Гостиварпред 3 месеци
Девојка пријавила дека била обљубена во стан во Гостивар
-
Гостиварпред 3 месеци
Кафулињата, рестораните, пицериите во Гостивар со 2 часа плус работно време летово
-
Гостиварпред 3 месеци
Екипи расчистуваат низ Гостивар по поројниот дожд со силен ветер
-
Гостиварпред 3 месеци
На општинската зграда, училиштата, градинките во Гостивар ќе се поставуваат соларни панели, почна процедура за концесионерство
-
Што, како, каде?!пред 3 месеци
Отворена нова современа Авто школа во Гостивар „ДЕЛТА“: Да го подигнеме нивото на работа во обука на возачи!