Пијан гостиварец со автомобил удрил во три паркирани возила

Триесет и седумгодишен гостиварец синоќа еден часот по полноќ, возејќи во алкохолизирана состојба и без возачка дозвола направил сообраќајна незгода. За среќа, нема повредени лица.

Како што информираат од полицијата, на улица „ Панче Поповски“ во Гостивар, патничко возило „Голф“ со гостиварски таблици, што без возачка дозвола, во алкохолизирана состојба  и со неприлагодена брзина го управувал 37-годишниот гостиварец, удрило и оштетило три паркирани возила: „Опел астра“, „Рено меган“ и „Форд пума“.

По извршениот увид и расветлувањето на сите поединости, несовесниот гостиварец ќе се соочи со соодветни пријави.

Инаку, во текот на вчерашниот ден, сообраќајната полиција на подрачјето на Гостивар регистрирала над 40 најразлични сообраќајни прекршоци кои биле заокружени со 18 прекршочни и 24 мандатни платни налози.