Пилешки крилца во „гангам стил“ по рецепт на Џејми Оливер

Големиот кулинарски мајстор Џејми Оливер е секогаш оригинален во своите рецепти, а за неговата креативност едноставно треба да се измисли друг збор. Ако сакате да вкусите нешто ново и сте љубител на лутите зачини, подгответе пилешки крилца за кои Џејми вели дека се во  „гангам стил“.

состојки:

8 до 10 пилешки крилца

1 лажичка сенф

1 лажичка маслиново масло

2 лажички лут кечап

1 лажичка чили сос

1 лажичка мед

2 лажички соја сос

малку изрендан ѓумбир

малку балсамико оцет

сусам

лелено семе

сол, босилек, магданос, кари

подготовка: За маринадата измешајте го сенфот, маслиновото масло и зачините, сол, босилек, магданос и кари. Потоа, пилешките крилца едно по едно искршете ги кај коската за да се исправат и наредете ги во огноотпорен сад за печење.  Намачкајте ги убаво и рамномерно со маринадата. Покријте го садот со алуминиумска фолија и ставете ги да се печат 20-25 минути на 180 степени.

Додека крилцата се во рерна, подгответе го црвениот сос. Измешајте ги кечапот, соја и чили сосот, додадете мед, рендан ѓумбир и балсамико оцет.

Запечените крилца, полијте ги одозгора со црвениот сос, додадете ги сусамот и лененото семе  и повторно вратете ги во рерна да се допечат уште 10-15 минути.