Пилешко со лебни трошки и пармезан и помалку маснотии

Печеното пилешко е кулинарска класика што се јаде во многу домаќинства. Ви пренесуваме рецепт за печени пилешки гради кои содржат помалку маснотии иако во кората имаат пармезан.

Состојки за 6 лица:
3 пилешки гради
3 јајца
100 грама брашно
200 грама лебни трошки
100 грама рендан пармезан
½ лажичка лук во прав
1 лажичка мелен пипер
сол и бибер по желба

Подготовка:
1. Загрејте ја рерната на 200 степени Целзиусови.

2. Исечете ги пилешките гради на ленти со дебелина од околу еден сантиметар (секоја на 5 до 6 парчиња), посолете ги и бибер по желба.

3. Во голема пластична кеса измешајте ги брашното и остатокот од зачините и ставете го пилешкото во нив. Затворете ја вреќата и добро протресете за да го покриете месото темелно со оваа мешавина.

4. Исецканите пилешки ленти испанирајте ги со трошки од леб и јајце на кои сте додале рендан пармезан.

5. Ставете го панираното пилешко на плехот за печење и печете околу дваесет минути од секоја страна додека месото не добие златно-жолта кора.

Послужете со салата и омилено гарнирче. Добар апетит!