ПИСМА: Гостиварци алармираат за постојано палење на ѓубре на градскиот пазар

Читателка на Gostivarpress.mk ни испрати фотографија од запалено ѓубре на големиот градски пазар со реакција дека ова е постојана појава која им го загорчува секојдневнието на жителите од околните згради.

„Ова се случува постојано, се собира сметот од пазарот и се пали. Не можеме ниту прозор да отвориме, ниту алишта да оставиме да се сушат надвор. Има многу чад и мириса неподносливо. Ова е реакција на многу граѓани што живеат во блиските згради. Неколкупати сме се јавиле во пожарна, но велат дека не можат да влегуваат внатре, не е во нивна надлежност. Бараме некој да преземе мерки и да го спречи палењето“, ни пишува читателката.