ПИСМА: Маче со месеци заглавено на покрив, апел за спасување

Читатели на Gostivarpress.mk ни пишуваат дека на покривот од објектот на Трудова медицина во Гостивар веќе неколку месеци има маче, коешто не знае и не може да се симне самото. Тие велат дека и нивните обиди да го спасат „заробеното“ животинче биле безуспешни, а се надеваат дека преку јавен апел ќе се најде некое лице или професионалци пожарникари кои ќе успеат во тоа.

„Мачето се има качено на покривот најверојатно бегајќи од нешто, но веќе со месеци е таму. Честопати мјаука и делува уплашено. Упатуваме апел доколку некој може да помогне, затоа што мачето нема уште долго да може да издржи така. Исто така, да се јави некој љубител на животни, кој потоа ќе сака да го вдоми, да се грижи за него. Со оглед дека многу време е на покривот, нема контакти со други животни и не ја знае околината, мачето веројатно нема да може да се снајде само“, пишуваат читателите.