ПИСМА: Се пали ѓубре на секој чекор, никој не презема ништо

Овој пат во рубриката Писма, преку која им даваме можност на читателите да искажат свое мислење, став, реакција за локални состојби и проблеми, пренесуваме порака од Владимир Наумоски од Гостивар. Тој алармира на зачестена појава на палење на отпад и загадување на воздухот и животната средина.

„Секојдневно во градот и во околината се врши палење на смет, депонии и земјоделски отпад што директно влијае за квалитетот на воздухот.  Никој ништо не превзема! До кога ќе се дозволува секаков вид палење на отворено во оваа држава? Зарем нема никаква организација со цел да се опоменуваат и спречат ваквите појави кои ги има секојдневно и кои предизвикуваат загадување на воздухот? Во надеж дека ќе објавите и често ќе ги покривате овие појави што се случуваат преку целата година. Конкретната локација од каде се направени фотографиите е после патарината во Гостивар на автопат кон Тетово, но секојдневно може да се забележат чадови од сите страни на градот.“, пишува читателот.