ПИСМА: Семафорите кај Здуње не работат, граѓани алармираат на опасност

Сообраќајната сигнализација на крстосницата кај село Здуње на магистралниот пат Гостивар – Кичево не функцинира подолго време и тоа ги доведува во голема опасност сите што го користат патот, алармираа читатели на Gostivarpress.mk, коишто секојдневно имаат потреба да поминат низ крстосницата.

„Семафорите не работат веќе три недели и се создава вистински хаос, секое преминување и вклучување е стресно и носи огромен ризик, особено кога има поголема фреквенција на возила. Ситуацијата е навистина алармантна и мора да се преземат мерки. Има застои во сообраќајот, одредени возачи не се држат до никакви правила, неопходно е да надлежните да реагираат пред да се случи некоја сообраќајна несреќа“, велат читателите.

Крстосницата кај гостиварско Здуње важи за црна сообраќајна точка, каде често се случуваат несреќи. Поставувањето на семафорите беше во насока на поголема безбедност.