ПИСМА: Уринирање во градскиот парк во Гостивар среде бел ден и ѓубре по улица

Од читатели на Gostivarpress.mk пристигнаа неколку фотографии од градот кои укажуваат на несовесно и срамно однесување.

Читателка ни испрати фотографија на маж кој уринира во градскиот парк, за која нагласи дека е направена вчера околу 14 часот, кога наоколку во паркот играле групи деца. „Ова се случува пред очите на нашите деца“, реагира читателката со згрозеност.

Друга фотографија на која се гледа расфрлано ѓубре по улица во централното градско подрачје, утрово ни испрати читател од Гостивар. „Ве молам да ја објавите оваа фотографија од улица „ЈНА“ да се подигне свеста, да не се фрла ѓубрето насекаде, а надлежните да преземат мерки“, напиша читателот.