ПИСМА: Жители на Зубовце реагираат дека се без вода среде лето

До нашата редакција се обратија жители на село Зубовце со реакција дека веќе три дена се без вода. Проблем кој се јавува преку цела година, посебно во летниот период.

Со надеж дека информацијата ќе стигне до некој од надлежните и совесни луѓе кои земаат плата за оваа работа и ќе се преземе нешто да се реши овој проблем, ве замолуваме да ја информирате јавноста да дознае што се случува.

– Вода немаме од вторник. На овие температури без вода во 21 век е срамно. Три дена немаме ниту вода за пиење, ниту техничка вода. Упорно вртиме на телефонот во водовод ЈКП Врапчиште во Врапчиште, никој не ни крева телфон. Реагиравме и во месната заедница во Зубовце, иако сите го имаат истиот проблем како и за се досега никој ништо не презема. Немаме никаков друг избор освен да се обратиме до вас. Со мало дете, на овие температури, без капка вода навистина е зажлно и срамно. А уште посрамно е што сме оставени сами на себе, секој да се снаоѓа како знае, – стои во писмото на Милена Д. Герасимоска.