Пита со зеленчук и два вида сирење

Оваа пита е одлична за појадок или вечера, лесна за подготовка, со богат вкус, а убава и на изглед. Послужете ја со чаша јогурт или кисело млеко. Вреди да се проба!

Состојки:

4 јајца

100 гр. фета сирење

100 гр. кравјо сирење

1 чаша масло

1,5 чаша млеко

3,5 чаши брашно

1 прашок за пециво

2 компира

2 домати

3 зелени пиперки

2 млади кромидчиња

лажичка сол

Подготовка:

Најпрво излупете и исечкајте ги на мали парчиња компирот, доматите, зелената пиперка и кромидот. Потоа изматете ги јајцата, па во нив додадете го исецканиот зеленчук, сол, двете врсти сирење, маслото и млекото. Добро измешајте и на крајот додадете ги брашното и прашокот за пециво.

Намрсете го плехот и ставете ја смесата да се пече на 200 степени околу 30 до 35 минути.