Пица ресторан ПРОНТО – вистинско место за гурмани

Без разлика дали во трка со обврските, сте само за оброк набрзина или имате време подолго да уживате во храната, Пица-ресторан Пронто со единствените специјалитети е  предодреден за вистински гурмански искуства. На само 7 километри од Гостивар, во надалеку познатиот Вруток пица-ресторан Пронто е уникатно катче, кое без сомнеж ќе ги задоволи апетитите и на најпребирливите гурмани.

Како ретко каде, во Пронто на едно место може да се најде врвна италијанска кујна, традиционална скара, домашни специјалитети.

Италјанската кујна овозможува откривање на разни вкусови, што е вистински предизвик за креативниот тим на овој пица-ресторан, подготвена со големо трпение и љубов кон италијанската традиција и храна.

Ресторан Пронто се посебно горди на националната кујна, специјалитети подготвени со многу љубов и страст на модерен, традиционален и инвентивен начин, скара на жар, печење во фурна, тава, топено сирење во лепче и уште многу други вкусни специјалитети. Повеќето специјалитети кои може да ги пробате во Пронто се оригинални дела на Chef Димитар, кој е одговорен за целосниот третман на храната.

„Вкусот на традиционалната кујна ни е вистински приоритет. Се грижиме секој гостин кој го посетил нашиот ресторан да почувствува комплетно уживање во храната“, вели тимот на Пронто.

Во менито секако не изостанува ниту рибата. Подготвена на скара или во фурна на својствен и незаменлив начин.

Беспрекорна услуга и пријатната атмосфера се дополнителна причина да се посети овој ресторан. Со капацитет од 150 луѓе претставува идеално место за вашите семејни прослави и коктели од секаков вид.

За одмор од градската гужва, за викендите со староградска музика, терасата на ресторанот ви нуди мир и опуштена атмосфера на традиционален, боемски начин.

Pizza Ristorante “PRONTO”, с.Вруток – Гостивар,
078 367 808

(комерцијална објава)