Пивото, кафето, виното и чоколадите ќе поскапат поради глобалното затоплување

Глобалното затоплување би можело да доведе до поскапување и помала достапност на некои од нашите животни радости, како: кафето, чоколадата, пивото и виното, велат научниците.

Се подолгиот период со екстремно топли температури, топлотни бранови и суши, можат во иднина да нанесат голема штета на јачменот, кој е клучна состојка за произведување на пиво. Меѓународен тим на истражувачи оценил дека загубата може да изнесува до 17% од производството.

Тоа би значело дуплирање на просечните цени на пивото, се наведува во магазинот Nature Plants објавен вчера, пренесува Бета. Во земјите каде што пивото е веќе скапо, како што е на пример Ирска, цените може да бидат три пати поголеми.

Наводите се објавени една недела по објавувањето на извештаите од Обединетите Нации, каде што се нагласени опасностите од климатските промени, вклучувајќи ги и сите недостатоци на храна и вода, топлотните бранови, покачување на нивото на морето и болестите.

Еден од авторите на истражувањето, Стив Дејвис рекол дека истражувањето за пивото е направено со цел да се пренесе јасна порака за тоа дека климатските промени штетно влијаат на најразличните аспекти во секојдневниот живот.

Неколку научници кои не учествувале во истражувањето, навеле дека тоа е добар начин да се изложат опасностите од глобалното затоплување.

Американскиот агрикултурен еколог, Дејвид Лобел нагласил дека науката одамна знаела дека јачменот е “ меѓу еден од најосетливите поседи на топлотата“, но и дека истражувањето тоа го поврзува до нешто за што луѓето се грижат, како пивото, па затоа е важно.

Стив Дејвис е љубител на пивото и еден од тие кои се грижат.

„Ова истражување е созададено од љубов и страв“, рекол тој.

Јачменот, ширум светот се користи за најразлични работи, а најмногу за прехрана на стоката. Помалку од 20% од светскиот јачмен се користи за производство на пиво. Но, во САД, Бразил и Кина, најмалку две третини од житарките, завршува во шишиња, буриња и лимени конзерви.

Дејвис и неговите колеги, ги набљудувале само ефектите на комбинираните топлотни таласи и суши, а не и општото затоплување.

Ако емисија на гасови од стаклената градина од трошење јаглен, нафта и гас, продолжат со моменталното ниво на раст, голема е веројатноста дека временските промени ќе нанесат штета на производството на јачмен. Ќе расте еднаш во една деценија до 2050 година, до еднаш во две година, до крајот на векот.