Планинско велосипедска тура „МТБ Маврово 2023“ – Во тек е пријавување

Гостиварскиот велосипедски клуб „ГВ МТБ“ организира планинско велосипедска тура која ќе биде одржана на 11 јуни (недела) 2023 година – „МТБ Маврово 2023“.

Стартна и целна точка е црквата Успение на Пресвета Богородица во село Леуново, стартот е закажан за 9 и 30 часот, стазата во категорија на средно тешки патеки е со должина од 45 километри, со висинско искачување од 820 метри и предвидено е да се помине за 6 часа, ќе се вози по комбинирана асфалтна и офф-роад подлога во правец Леуново-Ниќифорово-Маврово. По пристигнувањето на целта закажан е заеднички ручек во дворот на црквата во Леуново.

За сите учесници на „МТБ Маврово 2023“ ќе важат правилата за безбедност: задолжително носење заштитна кацига, исправен МТВ велосипед, патна опрема, резервна гума.

Учеството на „МТБ Маврово 2023“ e со котизација од 500 денари (на денот на трката 700 денари) за што секој учесник ќе добие маичка со логото на настанот, кафе пред стартот на турата, вода и други освежителни пијалоци, мулти витамини, овошни барови и ручек по завршување на турата, информараат организаторите.

Пријавувањето трае до 2 јуни 2023, линкот за регистрација е ТУКА.