Плескавици од зеленчук, интересна и нова идеја за вашата трпеза

Овие плескавици ќе ги подготвите брзо и лесно, а добродојдени се како идеја за велигденските пости или за вегетаријанците.

Состојки:

450 гр. замрзнат микс зеленчук (златна мешавина)

250 гр. црвен грав од конзерва

3 компира

10 лажици брашно

презла

масло, сол, бибер, магданос

Подготовка:
Замрзнатиот зеленчук и компирите треба да се сварат и добро да се исцедат. Компирите се пасираат како за пире и им се додава сварениот зеленчук, како и гравт исто така исцеден од течноста. Состојките се мешаат добро, се додава брашното, зачините и маслото. Од смесата се обликуваат плескавици, една по една се валкаат во презла и се пржат во тавче на загреано масло, кратко време од двете страни додека заруменат.