Плескавици од бело месо…за кога сакате да вкусите нешто ново и фино

Сите знаеме и често подготвуваме плескавици и ќофтиња од мелено месо, кои навистина се вкусни и омилени на семејната трпеза. За да ја разбиете монотонијата на менито, следен пат може да направите плескавици од бело, односно пилешко месо. Не треба некоја посебна мајсторија и умешност во кујната, а сите дома ќе се воодушеват.

состојки:

400 гр. пилешко месо

главица кромид

2 чешниња лук

1 јајце

2 лажици овесни снегулки или мелено ленено семе

малку масло

сол, бибер и други зачини по желба

подготовка: Месото треба убаво да се свари, а потоа да се изблендира. Така изблендирано се меша убаво со ситно секцаниот кромид и лук, овесните снегулки (ленено семе), јајцето, маслото и зачините. Потоа се формираат плескавици и се редат во плех врз поставена хартија за печење. Се печат 10-15 минути во загреана рерна.