Македонија
Плескавиците, ќебапите и меленото месо со нови попрецизни декларации
Агенцијата за храна и ветеринарство донесе нов Правилник за барањата во однос на квалитетот на меленото месо, подготовки од месо и производи од месо, во кој се допрецизирани одредени прашања кои се однесуваат на квалитетот на месото.
„Од аспект на подобрување на деловната клима во секторот преработка на месо, во правилникот се направени измени кои се однесуваат на деталното уредување на тоа кои категории месо може да се користат за производство на одредени производи. Унапредената заштита на потрошувачките права е во насока на обезбедување нивна подобра информираност за тоа што купуваат и тоа со воведување на задолжително декларирање на потеклото на месото и давање на информации во декларацијата дали производот е добиен од свежо или замрзнато месо, дефинирање на содржината на вкупни протеини и содржината на вода во производите. Ваквите новини се основа за гарантирање не само на подобра информираност на потрошувачот, туку претставуваат и основа за спречување на евентуална можност за нивна измама“, изјави директорот на Агенцијата за храна и ветеринарство Зоран Атанасов кој ги презентираше новините во Правилникот на прес конференција, денес воСтопанската комора на Македонија.
Новите стандарди предвидуваат подготовките од месо и производите од месо, во декларацијата, освен задолжителните податоци за информирање да содржат и податоци за содржина на вкупни протеини, содржина на протеини од месо, содржина на колаген во протеини од месо и содржина на вода. Подготовките од месо, доколку се произведени од замрзнато месо, треба да содржат и информација дека се произведени од замрзнато месо со истакнување на датумот на замрзнување на месото.
„Досега на декларацијата не го пишуваше процентот на вода во месото, а токму додавањето вода е класична злоупотреба – плаќате месо, добивате вода“, рече Атанасов.
Претседателката на Организацијата на потрошувачи на Македонија – ОПМ, Маријана Лончар Велкова, истакна дека нивната организација заедно со бизнис заедницата и надлежните од Агенцијата активно учествувала во подготовката на правилникот со кој, како што рече таа, се изврши заокружување и на посебните области кои се регулирани со одредбите на Законот за безбедност на храната.
Гоце Трајчев, претседател на Групацијата на производители и преработувачи на месо при Комората, посочи дека Агенцијата за храна и ветеринарство одговорила на барањето на членките на Групацијата за измена и дополнување на постоечкиот правилник, за што се одржани неколку заеднички состаноци на кои се допрецизираа новините.
-Се надеваме дека до 1 Мај, најголемиот дел од преработувачите на месо ќе направат напор и целосно ќе го усогласат работењето со новини стандарди од Правилникот и во делот на означувањето, односно за декларирањето на производите – додаде тој.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар