По 1 милион денари државна поддршка за градба или реконструкција на рибници

Агенцијата за финансиска поддршка во земјоделството и руралниот развој објави Јавен повик за користење на средства од Програмата за финансиска поддршка во рибарството и аквакултурата за 2019 година, наменети за градба на нови или ревитализирање на постоечки рибници.

За изградба на нови или реконструкција и адаптација на постоечки риболовни пунктови, финансиската поддршка изнесува 1 милион денари, толкава е и максималната вредност на оние кои сакаат да градат или реконструираат мандри за традиционален лов на риба во Дојранско Езеро. Право на користење на средства од оваа мерка имаат општините и регистрирани репроцентри за производство на репродуктивен и порибителен материјал.

До 1,5 милиони денари е максималната сума за поддршка за рехабилитација на риболовни води со доградба, надградба и опремување на постоечките капацитети/мрестилишта за производство на репродуктивен и порибителен материјал. Право на користење имаат
субјекти кои се регистрирани за дејност аквакултура и кои поседуваат или користат недвижен имот на кој планираат да изградат капацитет за аквакултура; или поседуваат дозвола за користење на вода за поставување на кафези во зоните предвидени за аквакултура.
Аплицирањето трае до 6 август, а сите детали може да ги најдете на веб страната на Агенцијата за финансисика поддршка во земјоделието.