Гостивар
По 15-тина лица дневно прават ковид тест на епидемиологија во Гостивар
Со 38 активни случаи на коронавирус, епидемиолошката состојба на гостиварското подрачје за сега останува стабилна. Бројката на новозаразени е ниска и не предизвикува влошување на ситуацијата.
Во епидемиолошката служба на подрачната единица на Центарот за јавно здравје во Гостивар периодов се прават по 15-тина PCR тестирања за ковид на дневна основа и повеќето резултати се негативни. Во лабораторијата на Здравствениот дом, пак веќе два и пол месеци не се вршат брзи антигенски тестови, што беше пракса порано. Тестирања за присуство на коронавирус во Гостивар се прават и во Ројал Медика Микро лабораторијата.
Иако моментално состојбата е мирна, имајќи предвид дека во други градови, заразата веќе зема замав, лекарите предупредуваат граѓаните да не се опуштаат и да ги почитуваат превентивните мерки. Во спротивно велат, голем е ризикот од нов бран.
„Да се носат маски, редовно одржување на хигиена и да нема групирања. Ова се препораките кои граѓаните мора да ги почитуваат, секако и протоколите кои се пропишани. Гледаме дека во други региони и во околината веќе има значителен раст на нови случаи и треба да бидеме внимателни“, вели д-р Берун Мустафа од ЦЈЗ.
Според статистиката на Министерството за здравство, во општините Гостивар, Врапчиште и Маврово Ростуше од почетокот на пандемијата потврдени се вкупно 8.029 позитивни на коронавирус. Како оздравени се евидентираат 7.608 лица, а од последица на ковид починале 383 пациенти.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk