По 50 евра месечна стипендија за талентирани спортисти средношколци, пријавувањето е во тек

Министерството за образование и наука за учебната 2020/2021 година ќе додели 100  стипендии за талентирани ученици-спортисти од јавните и приватните средни училишта во земјава, од кои 15 талентирани ученици-спортисти со посебни потреби. Конкурсот беше објавен вчреа (27 октомври) и ќе трае до 9 ноември.

Право на стипендија имаат кандидатите кои исполнуваат следните услови:

1. да се редовни ученици од I година, кои во текот на претходните две учебни освоиле најмалку две награди за освоено I или II место на меѓународен натпревар или на државен натпревар од областа на спортот организирани од национални спортски федерации кои имаат решение за вршење на дејноста спорт издадено од Агенција за млади и спорт;

2. да се редовни ученици од II, III и IV година, кои во текот на претходната учебна година освоиле награда за освоено I или II место на меѓународен натпревар или на државен натпревар од областа на спортот организирани од национални спортски федерации кои имаат решение за вршење на дејноста спорт издадено од Агенција за млади и спорт;

3. да имаат постигнат најмалку просечен многу добар успех во досегашното образование;

4. да не повторувале година во текот на образованието;

5. да не се корисници на стипендија од други институции или фирми;

Сите детали за начинот на пријавување и потребната документација може да се најдат на веб страницата на МОН.