По една година биткоинот ја премина границата од 12.000 долари – моменталната цена 11.300 долари

Вредноста на најпопуларната криптовалута, биткоин, во неделата достигна 12,000 американски долари за прв пат од август 2019 година , според податоците на криптоцентралата Coindesk.

Биткоин достигна цена од 12.000 долари за прв пат од 9 август 2019 година, моменталната цена е 11.300 долари за еден биткоин.

За потсетување, оваа криптовалута ја достигна својата максимална вредност во декември 2017 година.

Според некои аналитичари, зголемувањето на интересот за биткоин е поврзано со финансиската криза што го зафати целиот свет, како последица на пандемијата на коронавирус, пренесува руски Спутник.

Како по некое правило, биткоинот, како и златото, станува поскап во кризи, затоа што тогаш луѓето бараат заштита од падот на вредноста на националните валути. Цената на биткоинот се очекува да продолжи да расте. Да ве потсетиме, цената на златото е веќе со историски рекорд – скоро 2.000 долари за унца .