По падот трка помеѓу Русија и САД за остатоците од американскиот дрон во Црното Море

По неговиот пад во водите во Црното Море започна трката помеѓу Русија и САД за остатоците и информациите од овој борбен дрон.

Американците чија морнарица нема свој брод во близина на падот сметаат дека е невозможно да се дојде до остатоците. Еден од воените началници на САД, Мајки Мили, им рече на новинарите дека дронот „веројатно потонал на некои значителни длабочини, така што секоја операција за обновување би била многу тешка од техничка гледна точка“, и дека разузнавачките информации што ги собрал нема да бидат достапни.

– Веројатно се работи за можеби 4.000 или 5.000 стапки вода (1,2 до 1,5 километри), нешто слично. Така што секоја операција за опоравување е многу тешка на таа длабочина за секого – рече Мили.

Тој ја уверува американската јавност дека чувствителните податоци од дронот не се загрозени.

Додека секретарот на рускиот совет за безбедност Николај Патрушев изјави дека Русија ќе се обиде да ги извади остатоците од дронот.

„ Не знам дали ќе го најдеме или не, но мора да се обидеме… И секако ќе се обидеме“, рече Патрушев на руската државна телевизија „Русија-1“.

Си-Ен-Ен утрово објави дека двајца функционери рекле дека Русија стигнала до местото на падот на риперот MQ-9 во Црното Море.