По триумфот на „Stage“, гостиварецот Анди патува на Светското првенство во танцување

Успесите на суперталентираниот гостиварец Анди Исмаили продолжуваат да се редат. Последниот триумф младиот танчер го забележа изминатиов викенд во Скопје на Меѓународниот натпревар за танц “Stage”, каде го освои првото место. Анди кој е двоен светски и европски првак во модерни танци, од жирито доби максимални 150 поени. Тој беше победник и на минатогодишното издание на овој фестивал.

Меѓународниот натпревар за танц “Stage” важи за еден од најпрестижните културни настани во изминативе пет години кај нас. Годинава дел од натпреварувањето беа 1.200 учесници од 12 европски земји.

Анди не запира овде и веќе интензивно се подготвува за нови предизвици. Пред него е Светското првенство во танцување, кое ќе се одржи од 28 ноември до 2 декември во Словенија.