Почина актерската легенда Мите Грозданов

Познатиот драмски, телевизиски и филмски актер Мите Грозданов синоќа почина на 75 годишна возраст. Роден е 1943 година во Струмица, а дипломата за актерство ја стекнал на Театарската академија во Белград. Во Драмски тетар во Скопје работеше од 1967 година.

Ќе биде запаметен по бројни остварени улоги во стотина претстави, меѓу кои: Болва во уво, Солунски патрдии, Црнила, Пиликатник, Еригон, Веселата смрт, Сурати и други.

Во 1968 година го добил највисокото театарско признание во тогашна Југославија „Златен ловоров венец“ за главната улога во претставата „Партитура за еден Мирон“ од Коле Чашуле. Во 2010-та доби Награда за Животно дело на МТФ „Војдан Чернодрински“ во Прилеп.

Мите Грозданов играше заедно со Ричард Бартон во филмот „Сутјеска“.