Почина холивудската ѕвезда Вал Килмер

На 65 годишна возраст почина светски познатиот актер Вал Килмер. Веста за неговата смрт ја пренесоа светските медиуми, откако беше потврдена од неговото семејство. Килмер починал од пневмонија во вторникот, 1 април. Актерот претходно долги години се бореше со рак на грлото.

Филмскиот миленик на повеќе генерации останува запаметен по легендарните улоги на Брус Вејн во „Бетмен засекогаш“, Џим Морисон во филмот за „Дорс“ , како и во холивудските остварувања: „Топ Ган“, „Вистински гениј“, „Светецот“ и многу други.

Освен на филмското платно, имал улоги и на Бродвеј, а издал и своја збирка со поезија.