Почина легендарниот музичар Ферус Мустафов

По кусо боледување ноќеска на 72 годишна возраст почина легендарниот кларинетист и саксофонист, Ферус Мустафов. Веста за неговата смрт рано утрово ја објавија и членовите на неговото семејство.

Мустафов е роден на 20 декември 1950 година во Штип во ромско семејство на музичари. Неговата професионална кариера започнала на седумнаесетгодишна возраст, додека студирал виолина и кларинет во локална музичка академија. За тоа време, тој бил поканет да оди на турнеја со бенд предводен од Тома Чрчев, а успехот на турнејата го натерало да се откаже од академското учење и остатокот од животот целосно го посвети на музиката.

Ферус на негова желба ќе биде погребан во Штип, каде е роден и каде последните години живеел со семејството.