Почина уште еден пациент од повредените во пожарот во Кочани

Почина уште еден пациент од пожарот во Кочани кој се лекуваше во Литванија. Тој е 61-та жртва од трагедијата.

„Во 11 часот почина и вториот пациент кој престојуваше во Литванија. Станува збор за Александар Гавриловски, кој имаше 29 години. Беше упатен од Градската општа болница во Литванија на 17 март. Неговата состојба беше тешка од почеток, а од 4 април се влоши уште повеќе, а од вчера беше ставен на хемодијализа. Ова ни е втор пациент кој почина, од 193 што ги третиравме во држаата и надвор од државата. Ни остануваат уште двајца критични пациенти“, рече министерот за здравство Арбен Таравари.

Минатата недела почина и управителот на дискотеката Александар Карадаковски.

Во пожарот во Кочани беа повредени околу 200 лица од кои дел беа пратени на лекување во странство.