Починатите од Симница имале вид на хеморагична треска – потврди Таравари

Министерот за здравство Арбен Таравари во видео порака даде информација дека починатите татко и синот од гостиварското село Симница, биле заразени од хантан вирус, кој е еден вид на хеморагична треска. Таравари соопшти дека останатите седум пациенти, хоспитализирани на клиниката за инфективни болести се во добра состојба и дека ситуацијата е под контрола.

– Екипите од епидемиолошката служба и од Институтот за јавно здравје биле на терен во селото Симница, преземени се сите активности кои биле потребни, по сите процедури. Шпекулации се дека има уште еден починат. Седумте хоспитализирани кои биле во контакт со жртвите, се во добра состојба. Стигнати се лабораториските испитувања од две лабаратории за серумот на крвта, се работи за подобрата варијата, за „хантан“ вирусот, кој не се пренесува од човек на човек, туку од глодари. Овој вирус спаѓа во групата хеморагични трески, меѓутоа тоа е најлесната варијанта, затоша што не се пренесува од еден на друг човек. Состојбата целосно е под контрола“, порача министерот.

ЛИНК ДО ЦЕЛОСНА ИЗЈАВА НА МИНИСТЕРОТ