Почна исплата на парите од поврат на ДДВ за април, мај и јуни

Во тек е исплатата на повратот на ДДВ на граѓаните за месеците април, мај и јуни, односно второто тримесечје од 2020 година. Министерката за финансии Нина Ангеловска соопшти дека досега на сметките на над 140 илјади граѓани се легнати над 167 милиони денари или 2,7 милиони евра.

Во второто тримесечје 304.637 граѓани скенирале вкупно 41,7 милиони фискални сметки. Бил направен промет од 21,4 милијарди денари. Пресметаниот поврат е 5,44 милиони евра.

Во јули се бележи рекорден број на скенирани фискални, вкупно 21,5 милиони сметки или за 80% повеќе во однос на просекот од сите останати месеци.
„Со МОЈДДВ граѓаните добиваат трикратна корист:Помагаат во сузбивањето на сивата економија, добиваат поврат на ДДВ, добиваат можност за бројни парични награди преку Мојанаграда“, пишува Ангеловска.