Почнува летото, за многумина омилено годишно време

На Северната хемисфера денес почнува летото во 16 часот и 57 минути, а во исто време на Јужната хемисфера почнува зимата. Денес денот ќе биде најдолг, а ноќта најкратка.

На денот кога почнува летото, Сонцето го прави својот најголем лак над хоризонтот. Изгрева на североисток, на југ ја достигнува најголемата дневна висина, а заоѓа на северозапад.

Во Гостивар, Сонцето изгреа во 5 часот и една минути, а ќе зајде во 20 часот и 15 минути.

На првиот ден од летото, синоптичарите најавуваат сончево и топло време со мала до умерена локална облачност и со слаб до умерен ветер од северозападен правец. Утринската температура ќе се движи од 11 до 19 степени, а дневната од 25 до 35 степени.