Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 06/05/2019 | 08:20

Почнува месецот Рамазан за муслиманските верници

Верниците од муслиманска вероисповед од денес го започнуваат Рамазанскиот пост. Рамазан е свет месец за муслиманите за време на кој се верува дека рајските врати се отвораат, а вратите на пеколот се затвораат. Постот започнува од изгрејсонце (суфур) и трае до зајдисонце (ифтар) за кој период верниците се воздржуваат од храна и вода. Од пост се ослободени деца, бремени жени и болни лица.

Според Куранот, Рамазан има четири димензии: духовна, морална, солидарна и здравствена. Духовната се постигнува преку молитвата, моралната преку воздржување од лоши мисли, дела и гревови, здравствената со прочистување на организамот, додека солидарната преку помош на сиромашните.

По едномесечниот рамазански пост, доаѓа празникот Рамазан Бајрам.

Напишете коментар