Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 14/08/2019 | 07:50

Почнува вонреден лов на диви свињи

Поради болеста „африканска чума“ која е потврдена кај диви свињи во соседните држави, во Македонија се преземаат превентивни мерки и почнува вонреден лов на овие животни. Целта е да се намали бројот на диви свињи со што би се минимизирале шансите за појава и ширење на болеста.
Ловот ќе се одвива под определени услови и правила. Ловџиите ќе мора застреланите диви свињи да ги однесат на утврдени локации кадешто ќе се зема мостра за утврдување на присуство на вирусот на африканска свинска чума. Доколку резултатите се негативни, месото ќе може да се пушти во промет. Ако се потврди болест, тогаш застреланото животно ќе биде соодветно уништено. Ловџиите ќе треба да извадат и дозволи за влез во шумите од подрачните единици на Македонски шуми.
Според проценките, во земјава има околу 8.000 диви свињи, рамномерно распространети на целата територија. Последниве 20 години бројот на единки е удвоен.

Напишете коментар