Подарок облека за 40 деца од социјални семејства во Гостивар за Рамазан Бајрам

Во пресрет на муслиманскиот празник Рамазан Бајрам, 40 деца од социјално загрозени семејства во Гостивар ќе добијат нова облека како подарок. Акцијата ја спроведува Здружението „Топла рака“, во соработка со гостиварската локална самоуправа.

„Празниците се денови на кои сите треба да им се радуваме. Сакаме да внесеме малку радост и во семејствата коишто немаат можност да им купуваат на децата, како што е традицијата за празниците. Токму затоа решивме да ја организираме оваа акција“, рече Мимоза Лумани, претседател на Здружението.

Градоначалникот Арбен Таравари нагласи дека општината секогаш дава поддршка на ваквите хуманитарни акции и излегува во пресрет за нивна реализација. „Ќе беше убаво и јас посакувам да немаше потреба од донации и помош, државата да можеше се` да обезбеди за сите деца да бидат среќни, како во нашиот град така и во целата земја. Но, за жал некои родители не можат да им го обезбедат ни основното на нивните деца. Затоа и ја поддржавме иницијативата и помагаме во нејзина реализација.“, рече градоначалникот.

Подароците до семејствата ќе бидат распределени во текот на денешиот ден.