Поддршка од 2.000 евра за ученици иноватори

Отворен е јавен повик за програмата UPSHIFT со која ќе се даде поддршка на младите иноватори. Програмата ја спроведуваат Министерството за образование и наука, Фондот за иновации и технолошки развој, УНИЦЕФ и CEED HUB Скопје.  Учениците кои сакаат да се вклучат ќе добијат можност да ја разработат својата идеја, да развијат иновативно решение и да се стекнат со финансиска поддршка.

„Со учеството во програмата, ќе стекнете нови вештини и знаења, ќе придонесете да се реши проблем во вашата заедница, а и пошироко, ќе научите како да ја дизајнирате, развиете и спроведете вашата идеја, ќе стекнете нови пријателства и ќе добиете можност за финансиска поддршка од 2.000 евра за да ја стартувате идејата.“, стои во јавниот повик на Министерството за образование

Може да аплицираат тимови од најмногу 5 учесници на возраст од 13-19 години. Пријавувањето трае до 10 септември, а формуларот може да го најдете на следниот ЛИНК