Еден поинаков десерт – Чоколадни кнедли

Велат дека слатките се неизбежен дел од трпезата, бидејќи е тешко да им се одолее. Веруваме дека сте вкусиле најразлични десерти, а ние денес ви предлагме да пробате нешто сосема поинакво, интересно, со впечатлив вкус – чоколадни кнедли.

Состојки за тестото:

-1 кг компир
-3 јајца
-50 гр шеќер
-брашно по потреба, околу 200 до 300 гр
-сол
-200 гр чоколада
-100 гр.путер

Состојки за тркалање на кнедлите:

-100 гр презла
-2 лажички цимет
-2 лажички какао прав
-100 гр шеќер
-малку путер

Подготовка:

Во сад се става компирот за да се свари. Откако ќе се свари, се лупи, се гмечи и се додаваат јајца, путер, шеќер и постепено брашно, мешајќи додека не се добие мазно тесто. Од добиеното тесто, се прават кнедли, во кои се става по една коцка чоколада.

Ги затвораме и ги обликуваме кнедлите.

Во длабок сад, ставете вода да се вари и кога ќе зоврие, ги ставате кнедлите. Готови се, кога ќе испливаат на површината.

Во тава се става путерот, за да се загрее и се додава презлата, какаото, циметот и шеќерот за да се испржат, а потоа во таа смеса тркалајте ги кнедлите.